Իրանի ԱԳ նախարարը դժգոհ է «եվրաեռյակի» գործողություններից

Իրանի ԱԳ նախարար Աբբաս Արաղչին իր բրիտանացի գործընկեր Դեւիդ Լամիի հետ հեռախոսազրույցի ընթացքում հիասթափություն է հայտնել «եվրաեռյակի» (Մեծ Բրիտանիա, Գերմանիա եւ Ֆրանսիա) վերջին գործողություններից, հատկապես հակաիրանական նոր պատժամիջոցների սահմանման պատճառով: Այս մասին գրում է ՏԱՍՍ-ը։

«Նշելով Իրանի և եվրոպական երեք երկրների պատվիրակությունների միջև բանակցությունների արդեն չորս փուլերի անցկացումը՝ ԱԳ նախարարը հիասթափություն է հայտնել Եվրոպական երկրների և ԵՄ-ի որոշ գործողությունների և ապակառուցողական դիրքորոշումների մասին։ Հատկապես՝ կապված մտացածին պատրվակներով նոր պատժամիջոցների կիրառման հետ, և կոչ է արել եվրոպական երեք երկրներին վերանայել Իրանի նկատմամբ իրենց մոտեցումներն ու մեթոդները», - նշվում է Իրանի ԱԳՆ հաղորդագրության մեջ:

Ինչպես նշել է Արաղչին՝ «մատնանշելով ամերիկացի պաշտոնյաների հակասական արտահայտություններն ու ուղերձները, Իրանը չի ընդունի դիվանագիտության օգտագործումը որպես քաղաքական և հոգեբանական ճնշման գործիք»: