Հայտնի է դարձել շաքարի փոխարինիչի անսպասելի վտանգի մասին

Ամերիկացի գիտնականները պարզել են, որ շաքարի հայտնի փոխարինիչը՝ սուկրալոզան, որը հայտնի է Splenda անունով, կարող է մեծացնել քաղցի զգացումը: Ի տարբերություն շաքարի, սուկրալոզան մարմնին ազդանշան չի տալիս կալորիաների ընդունման մասին: Աշխատանքը հրապարակվել Է Nature Metabolism ամսագրում:

 Հետազոտությանը մասնակցել է 75 մարդ։ Տարբեր օրերին նրանք խմել են ջուր, շաքարով ըմպելիք կամ սուկրալոզա պարունակող ըմպելիք։ Դրանք բոլորն էլ նույն համն են ունեցել, որպեսզի մասնակիցները չիմանան՝ կոնկրետ ինչ են խմում: Յուրաքանչյուր նշանակումից հետո գիտնականները ուղեղի ՄՌՏ են արել և չափել արյան մեջ գլյուկոզի մակարդակը:

Շաքարից հետո գլյուկոզի մակարդակը բարձրացել է, հորմոնները ազդարարել են հագեցվածության մասին, և հիպոթալամուսի ակտիվությունը՝ նվազել: Իսկ սուկրալոզայից հետո օրգանիզմը կալորիաներ չի ստացել, գլյուկոզայի մակարդակը մնացել է նույնը, իսկ հիպոթալամուսը, ընդհակառակը, ակտիվացել է։ Գիտնականները կարծում են, որ «դա կարող է շփոթեցնել օրգանիզմը. քաղցր համ կա, իսկ էներգիա՝ ոչ: Ժամանակի ընթացքում դա կարող է փոխել ուղեղի աշխատանքը և մեծացնել քաղցրի հանդեպ պահանջը»: