Մայրերի ափի մեջ պետք է փնտրել ազգի ճակատագիրը․ Դավիթ Համբարձումյան
Բլոգոսֆերա
Անսահման ջերմությամբ, սիրով ու երախտագիտությամբ շնորհավորում եմ հայկական տոնացույցի կարևորագույն տոներից մեկի՝ Մայրության ու գեղեցկության օրվա առթիվ։ Այս մասին իր ֆեյսբուքյան էջում գրել է Մասիսի համայնքապետ Դավիթ Համբարձումյանը։
«Սիրելի՛ մայրեր, քույրեր,
Հարգելի՛ կանայք,
Անսահման ջերմությամբ, սիրով ու երախտագիտությամբ շնորհավորում եմ հայկական տոնացույցի կարևորագույն տոներից մեկի՝ Մայրության ու գեղեցկության օրվա առթիվ։
Եվ պատահական չէ, որ Մայրության ու գեղեցկության և Սուրբ Մարիամ Աստվածածնի Ավետման տոները նշվում են նույն օրը, քանզի կնոջ ամենավեհ առաքելությունը մայրությունն է։
Անտեսելով առկա դժվարությունները` հայ կանայք ու մայրերը հավատարիմ են իրենց կոչմանը` դաստիարակելով հայրենասեր զավակներ, նրանց մեջ սերմանելով սեր ու հոգացավություն հարազատ բնակավայրի, համայնքի ու հայրենիքի նկատմամբ։
Եվ, ինչպես մեծն Նժդեհն է ասել՝
«Մայրերի ափի մեջ պետք է փնտրել ազգի ճակատագիրը»։
Սիրելի՛ մայրեր, քույրեր,
Որդիաբար խոնարհվելով բոլոր հայ մայրերի առջև՝ առանձնակի շնորհավորում եմ հերոսածին մայրերին։
Համբերություն ու տոկունություն եմ մաղթում այն մայրերին, որոնց զավակները հսկում են հայրենիքի սահմանները։
Թող աստվածային օրհնությունը հարատև լինի հայ ընտանիքներում, և մանկան ճիչով լցվի յուրաքանչյուր հայի օջախ։
Շնորհավո՛ր Մայրության ու գեղեցկության տոնը»։
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
