Հրաշալի կլինի՝ եթե ինչ-որ բան գնահատելիս ամբողջական պատկերացում ունենանք դրա մասին․ Աննա Հակոբյան

Վարչապետ Նիկոլ Փաշինյանի կինը՝ Աննա Հակոբյանը, ֆեյսբուքյան իր էջում նոր գրառում է արել` անդրադառնալով «Կրթվելը նորաձև է» նախաձեռնության վերաբերյալ ռեպորտաժին։

Հակոբյանը նախ շնորհակալություն է հայտնել, ապա խորհուրդ տվել ռեպորտաժի հեղինակներին՝ «ինչ-որ բան գնահատելիս ամբողջական պատկերացում ունենալ դրա մասին»։

«Շատ կարեւոր արձագանքներ եւ կարծիքներ են հնչում։ Բայց իհարկե հրաշալի կլինի, եթե ինչ-որ բան գնահատելիս ամբողջական պատկերացում ունենանք դրա մասին, ինչից գնահատականն ու կարծիքը կարող է էապես փոխվել՝ դառնալով էլ ավելի դիպուկ եւ օգտակար։ 

 

Հարգելիներ՝ Վահագն Արծրունուն, Ռուբեն Բաբայանին, Սուրեն Մանուկյանին եւ Սերոբ Խաչատրյանին սիրով հրավիրում եմ մեկ անգամ ներկա լինելու վարչապետի եւ իմ բանախոսությանը՝ դրանից հետո փոքրիկ քննարկում ունենալու նկատառումով։ Ուրախ կլինեմ, եթե հրավերս ընդունվի»,– գրել է վարչապետի տիկինը: