Արմեն Զոհրաբյանն ազատվել է «Ճանապարհային դեպարտամենտ» հիմնադրամի գործադիր տնօրենի պաշտոնից

Արմեն Զոհրաբյանն իր դիմումի համաձայն ազատվել է «Ճանապարհային դեպարտամենտ» հիմնադրամի գործադիր տնօրենի պաշտոնից։ Հիմնադրամի անձնակազմի հետ հրաժեշտի հանդիպման ընթացքում Արմեն Զոհրաբյանը շնորհակալություն է հայտնել համատեղ աշխատանքի համար՝ ընդգծելով, որ Ճանապարհային դեպարտամենտում աշխատում են բանիմաց, իրենց աշխատանքային պարտականությունները կատարող մասնագետներ։ Նա կոչ է արել գործընկերներին շարունակել աշխատել նույն եռանդով՝ ի բարօրություն մեր երկրի։

 

«Ճանապարհային դեպարտամենտ» հիմնադրամը շնորհակալություն է հայտնում Արմեն Զոհրաբյանին համատեղ աշխատանքի համար և մաղթում նրան հետագա հաջողություններ։