Գիտնականները պարզել են՝ երբ տիեզերքը կարող է ամբողջովին անհետանալ

Նիդեռլանդների ֆիզիկոսները հաշվել են տիեզերական օբյեկտների փլուզման ենթադրյալ ժամկետները. դրանք կանհետանան շատ ավելի արագ, քան նախկինում էին kարծում: Հետազոտության արդյունքները հրապարակվել են Journal of Cosmology and Astroparticle Physics ամսագրում։

Գիտնականները նման եզրակացության են եկել՝ կիրառելով աստղաֆիզիկայի, դաշտի քվանտային տեսության և մաթեմատիկայի գործիքները։ Վերանայման հիմքում ընկած է Հոքինգի ճառագայթման նորացված մեկնաբանությունը, գործընթաց, որն առաջարկել է բրիտանացի ֆիզիկոս Սթիվեն Հոքինգը 1975 թվականին: Ըստ նրա տեսության՝ սև անցքերը կարող են զանգված կորցնել՝ գոլորշիանալով քվանտային տատանումների միջոցով: Այսպես են կոչվում էներգիայի կարճաժամկետ փոփոխությունները, որոնք տեղի են ունենում տարածության և ժամանակի ամենափոքր մասշտաբներում։

Նոր ուսումնասիրությունը ապացուցում է, որ նմանատիպ «գոլորշիացման» մեխանիզմները կիրառելի են ոչ միայն սև անցքերի, այլև նեյտրոնային աստղերի, սպիտակ թզուկների և այլ խիտ աստղագիտական օբյեկտների համար: Հետազոտողները հաշվարկել են տասը տեսակի տիեզերական մարմինների քայքայման արագությունը՝ դրանք դիտարկելով որպես մեկուսացված համակարգեր, որոնք ենթարկվում են բացառապես Հոքինգի ճառագայթման ազդեցությանը: Օբյեկտի գոյության տևողությունը որոշող առանցքային գործոնը պարզվել է, որ դրա խտությունն է։