Լեգե՛նդ, սիրում եմ քեզ․ Ռոդրիգոն՝ Մոդրիչին
Սպորտ
Մադրիդի «Ռեալի» հարձակվող Ռոդրիգոն արձագանքել է Լուկա Մոդրիչի՝ ակումբից հեռանալու լուրին:
«Հայրիկ, այսօր շատ տխուր օր է ինձ և բոլոր մադրիդցիների համար: Մենք իմացանք, որ դու շուտով 10 համարով խաղադաշտում չես լինելու:
Դժվար է բառերով ասել, թե ինչ մեծ նշանակություն ես ունեցել այն պահից, երբ ես տեղափոխվեցի այս ակումբ:
Սովորել եմ քեզանից և՛ դաշտում, և՛ դաշտից դուրս:
Քո բարձր մակարդակը, առաջատարի ձիրքը և նպատակաուղղվածությունը միշտ կմնան իմ հիշողության մեջ:
Շնորհակալ եմ յուրաքանչյուր ժամի, խորհրդի և օգնության համար: Երազանք էր քեզ հետ այսքան տարիներ կիսելը:
Վայելի՛ր կյանքիդ նոր փուլը: Լեգե՛նդ, սիրում եմ քեզ»,- սոցցանցերում գրել է բրազիլացին:
Ավելի վաղ Մոդրիչը հայտարարել էր, որ համաձայնության է եկել «Ռեալի» հետ և ամռանն ԱՄՆ-ում կայանալիք աշխարհի ակումբային առաջնությունից հետո հեռանալու է թիմից:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
