Որքան գումար է ծախսվել Վաշինգտոնում ԱՄՆ ռազմական շքերթի անցկացման վրա․ Hill

ԱՄՆ զինված ուժերը մոտ 30 միլիոն դոլար են ծախսել Վաշինգտոնում ԱՄՆ բանակի հիմնադրման 250-ամյակին նվիրված ռազմական շքերթի վրա։ Այս մասին հաղորդում է The Hill-ը։

«Կարող եմ հաստատել, որ բանակային փառատոնի և շքերթի ընդհանուր արժեքը կազմել է գրեթե 30 միլիոն դոլար», - հրատարակությանը հայտնել է ԱՄՆ բանակի անանուն ներկայացուցիչը։

Սկզբնապես արարողակարգային երթի ծախսերը պետք է կազմեին 25-45 միլիոն դոլար՝ բացառությամբ ոստիկանության կողմից կարգուկանոնի պահպանման, քաղաքային փողոցներին հասցված վնասի և դրանց մաքրման ծախսերի։

Զորահանդեսին մասնակցել է ավելի քան 6000 ամերիկացի զինծառայող։ Նրանք քայլել են ԱՄՆ պատմության տարբեր ժամանակաշրջանների զինվորական համազգեստներով։ Ներկայացվել է մոտ 150 միավոր տարբեր ռազմական տեխնիկա, այդ թվում՝ M1 Abrams տանկեր, Bradley զրահամեքենաներ և Stryker զրահամեքենաներ։ Ավիացիոն բաժնում ներառված են եղել AH-64 Apache, UH-60 Black Hawk և CH-47 Chinook ուղղաթիռներ, ինչպես նաև B-17 Flying Fortress և Douglas C-47 ինքնաթիռներ։

Հրապարակման համաձայն՝ ԱՄՆ նախագահ Դոնալդ Թրամփի հակառակորդները, ինչպես նաև նրա որոշ կողմնակիցներ, քննադատել են միջոցառումը։ Նրանք, ի թիվս այլ բաների, վրդովված են դրա արժեքից։