Apple-ը արգելել է պաշտոնական սպասարկման կենտրոններին վերանորոգել հին Apple Watch-երը

Apple-ը Apple Watch Series 1-ը ավելացրել է հնացած սարքերի ցանկին։ Այս մասին հայտնել է MacRumors պորտալը։

Գաջեթների ավելացումը հնացած սարքերի ցանկին նշանակում է, որ ընկերության պաշտոնական սպասարկման կենտրոնները և լիազորված գործընկերները այլևս չեն մատուցում երաշխիքային սպասարկում և վերանորոգման ծառայություններ այս տարբերակի համար։

Series 1 անվանմանը չնայած, այս մոդելը Apple-ի խելացի ժամացույցների շարքում երկրորդն է։ Առաջին տարբերակը՝ առաջին սերնդի Apple Watch-ը, որը ոչ պաշտոնապես կոչվում է Series 0, հայտարարվել է 2014 թվականի սեպտեմբերին, վաճառքի է հանվել 2015 թվականի ապրիլին և դադարեցվել է 2016 թվականի սեպտեմբերին։

Նույն ամսում Apple-ը միաժամանակ ներկայացրել է երկու նոր մոդել՝ Watch Series 1-ը և Series 2-ը։ Առաջինը դիրքավորվել է որպես Series 0-ի թարմացված և ավելի մատչելի այլընտրանք՝ բարելավված պրոցեսորով և բարձրացված արտադրողականությամբ։ Watch Series 2-ը, իր հերթին, օգտատերերին առաջարկել է մի շարք նշանակալի սարքավորումների բարելավումներ, այդ թվում՝ ջրից պաշտպանություն և ներկառուցված GPS։

Թարգմանությունը՝ Lurer.com-ի