ՌԴ–ում գողացել են 12–ամյա տղայի պայուսակը, որում 1 մլն 700 հազար ռուբլի գումար է եղել

ՌԴ Նովոսիբիրսկում հարձակում է տեղի ունեցել անչափահասի վրա, հաղորդում է Ռուսաստանի ՆԳՆ տարածաշրջանի գլխավոր վարչությունը տելեգրամյան ալիքում։

Նախնական տվյալներով՝ պարզվել է, որ հարձակվողը երեխայից գողացել է պայուսակ՝ արժեքավոր իրերով ։

«Պայուսակում կանխիկ գումար է եղել։ Դեպքի հանգամանքները պարզվում են», - ՌԲԿ-ին պարզաբանել է ՆԳՆ մամուլի ծառայությունը։ 

«112» տելեգրամյան ալիքի տվյալներով՝ տղայի պայուսակում եղել է 1 միլիոն 700 հազար ռուբլի։ Նրա հայրը գումարը հանել է բանկից, բայց հետո գործեր է ունեցել և որդուն՝ պայուսակի մեջ գումարով, միայնակ տուն է ուղարկել։ Երբ երեխան փողոցով քայլելիս է եղել, նրա վրա դանակով հարձակվել են։ Տղան չի տուժել, գրում է տելեգրամյան ալիքը։