28-ամյա կինը հղիության պատճառով անճանաչելիորեն «ծերացել» է (լուսանկարներ)

Մալայզիացի մարքեթոլոգ Ֆարահ Ֆայզալը գրավել է միլիոնավոր մարդկանց ուշադրությունը, երբ հունիսի վերջին ցուցադրել է իր դեմքը, որը փոխվել է հղիության ընթացքում: Նրա մաշկը կնճռոտվել էր, քիթը և ականջները մեծացել, իսկ դեմքի վրա բշտիկներ էին հայտնվել: Երիտասարդ մայրիկը Tik-Tok-ում կիսվել է, թե ինչպես է երբեմնի գեղեցիկ աղջիկը նմանվել տարեց կնոջ:

Աղջիկը նշել է, որ մաշկի խնամքի միջոցները, որ օգտագործել է տարիներ շարունակ, այլևս չէին օգնում։ Ամեն օր վիճակը վատանում էր. մաշկը բորբոքվում էր, քոր էր գալիս, նոր ցաներ էին հայտնվում։ Աղջիկը նշել է, որ այս ընթացքում ամուսինը աջակցել է իրեն։ Առանց նրա աջակցության, ինչպես նշել է Ֆարահը, ինքը չէր կարողանա ապրել։

Օգոստոսի 1-ին Ֆարահը սոցիալական ցանցերում հայտնել է, որ հաղթահարել է ինը ամիս տևած դժվարությունները և այժմ վերականգնվում է երեխայի ծնվելուց հետո։ Նա ընդգծել է, որ ամուսինն իրեն անվանում է գեղեցիկ և ուժեղ՝ օգնելով հաղթահարել խուճապն ու վախերը։

Ծննդաբերությունից հետո Ֆարահի մաշկի վիճակը բարելավվել է. բշտիկները գրեթե անհետացել են: Նոր լուսանկարներում 28-ամյա կինը ավելի լավ տեսք ունի և հույս ունի վերադառնալ իր նախկին տեսքին։

Ֆարահի պատմությունը միլիոնավոր լայքեր է ստացել, բայց նաև քննադատության է արժանացել: Ոմանք նրան մեղադրել են ուշադրության համար լուսանկարը խմբագրելու մեջ: Ֆարահն ասել է, որ այլևս մանրամասներով չի կիսվի, քանի որ բացասական մեկնաբանությունները վնասում են իր հոգեկան առողջությանը: Նա միայն ցանկացել է ցույց տալ, թե ինչպես են հղիության ընթացքում հորմոնները ազդում մարմնի վրա։