Ամերիկացին «ChatGPT»–ի պատճառով հայտնվել է հոգեբուժարանում

ChatGPT նեյրոնային ցանցի՝ աղը նատրիումի բրոմիդով փոխարինելու խորհրդի պատճառով ամերիկացի թոշակառուն հայտնվել է հոգեբուժարանում: Այս մասին հայտնել է Gizmodo պորտալը։

Բժիշկների խոսքով՝ 60-ամյա տղամարդը երեք ամիս հետևել է իր կողմից արհեստական բանականությամբ ստեղծված դիետային: Թոշակառուն մտածել է իր սննդակարգից նատրիումի քլորիդը հանելու մասին՝ խորհուրդ խնդրելով ChatGPT-ից: Չաթբոտը օգտատիրոջը առաջարկել է մի քանի տարբերակ, որոնցից մեկը նատրիումի բրոմիդի օգտագործումն էր, սակայն նեյրոնային ցանցը չէր նշել, որ այն շատ թունավոր է։

Շուտով տարեց տղամարդու մոտ զարգացել է պարանոյա, սկսել է տեսնել հալյուցինացիաներ, ի վերջո նրա մոտ հոգեկան խանգարում է առաջացել: Բժիշկների հետ զրույցում տղամարդն ասել է, որ իրեն թունավորել է հարևանը: Պացիենտը հիվանդանոցում ևս մեկ նոպա է ունեցել: Նա փորձել է փախչել, բայց ուղարկվել է պարտադիր բուժման:

Երկու շաբաթ անց հետագա հետազոտությունը հաստատել է ամերիկացու կայուն վիճակը: