Ղազախստանի նախագահը հեռախոսազրույց կունենա Փաշինյանի հետ
Քաղաքական
Ղազախստանի նախագահ Կասիմ-Ժոմարտ Տոկաևը հեռախոսազրույց է ունեցել Ադրբեջանի ղեկավար Իլհամ Ալիևի հետ, հաղորդում է «Azattyq Rýhy»–ը՝ հղում անելով «Ակորդային»։
Պետության ղեկավարը շնորհավորել է Ալիևին Վաշինգտոնում ԱՄՆ նախագահ Դոնալդ Թրամփի աջակցությամբ ստորագրված Ադրբեջանի և Հայաստանի միջև հակամարտության խաղաղ կարգավորման վերաբերյալ պատմական հռչակագրի կնքման կապակցությամբ։
«Մեր պետության ղեկավարը հաստատել է Աստանայի պատրաստակամությունը շարունակել բանակցությունների համար իր հարթակի տրամադրումը։ Կասիմ-Ժոմարտ Տոկաևը նշել է Ադրբեջանի հեղինակության աճը միջազգային ասպարեզում՝ նախագահ Իլհամ Ալիևի ղեկավարությամբ», - ասվում է հաղորդագրության մեջ։
Կողմերը համաձայնել են շարունակել շփումները ամենաբարձր մակարդակով։ Ի պատասխան՝ Ալիևը շնորհակալություն է հայտնել շնորհավորանքների համար՝ ընդգծելով համաձայնագրի պատմական նշանակությունը, որը, նրա խոսքով, երկար տարիների դիվանագիտական ջանքերի արդյունք է։
Հաղորդվում է նաև, որ օգոստոսի 11-ին հեռախոսազրույց է տեղի ունենալու Կասիմ-Ժոմարտ Տոկաևի և ՀՀ վարչապետ Նիկոլ Փաշինյանի միջև։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
