ԱՄՆ ռազմաօդային ուժերի ինքնաթիռները վայրէջք են կատարել Երևանում. վաղը կմեկնարկեն հայ–ամերիկյան զորավարժությունները

ԱՄՆ ռազմաօդային ուժերի երկու KC-135R տանկեր երեկ  վայրէջք են կատարել  Երևանում։ Մայրաքաղաքում են իջեցվել նաև անձնակազմի անդամները օգոստոսի 12-20-ը կայանալիք «Արծիվ գործընկեր-2025» հայ-ամերիկյան համատեղ զորավարժությունների համար։

Հիշեցնենք, որ միջազգային խաղաղապահ առաքելություններում մասնակցության նախապատրաստման շրջանակում օգոստոսի 12-20-ը Հայաստանում կանցկացվի «Արծիվ գործընկեր-2025» հայ-ամերիկյան համատեղ զորավարժությունը։

Ինչպես հաղորդել են պաշտպանության նախարարությունից, զորավարժությանը ներգրավված են լինելու ՀՀ ԶՈՒ խաղաղապահ բրիգադի, Եվրոպայում և Աֆրիկայում ԱՄՆ ցամաքային զորքերի և Կանզասի ազգային գվարդիայի զինծառայողները:

Զորավարժությունը ենթադրում է խաղաղապահ առաջադրանքների նախապատրաստում և իրականացում՝ բժշկական տարհանման ընթացակարգերի շեշտադրմամբ: