Շորը կոչ է անում Մոլդովայում սկսել անժամկետ բողոքի ալիք՝ իշխանափոխության պահանջով

Մոլդովայի ընդդիմադիր «Հաղթանակ» բլոկի ղեկավար Իլան Շորը հայտարարել է, որ օգոստոսի 16-ին սկսելու է անժամկետ բողոքի ակցիա երկրի իշխանությունների դեմ։ Նա մեղադրել է կառավարությանը՝ գազի և էլեկտրաէներգիայի գների կտրուկ բարձրացման, արևմտամետ քաղաքականության և դատարկ խոստումների համար՝ կոչ անելով «քանդել այս ռեժիմը»։ Շորը հայտարարում է, որ պատրաստ է ամսական երեք հազար դոլար վճարել այն քաղաքացիներին, ովքեր վախենում են բողոքի դուրս գալու պատճառով կորցնել աշխատանքը։

Ընդդիմադիր գործիչը հրավիրել է քաղաքացիներին շաբաթ օրը՝ ժամը 15:00-ին, հավաքվել Մեծ ազգային ժողովի հրապարակում՝ իշխող «Գործողություն և համերաշխություն» կուսակցության դեմ։ Նա իշխանություններին մեղադրել է ընդդիմության վրա ճնշում գործադրելու մեջ՝ հիշեցնելով Գագաուզիայի ղեկավար Եվգենիյա Գուցուլի դատավճիռը, որը, ըստ նրա, քաղաքական հետապնդման արդյունք է։

Մոլդովայի իշխանություններն վերջին տարիներին մեծացրել են ճնշումները ընդդիմության վրա՝ հարուցելով քրեական գործեր, սահմանափակելով թեկնածուների մասնակցությունը ընտրություններին և ընդլայնելով հատուկ ծառայությունների լիազորությունները։ Գուցուլը, որը հանդես է գալիս Ռուսաստանի հետ բարեկամական կապերի ամրապնդման օգտին, շարունակում է քննադատել Մոլդովայի ներկայիս արտաքին քաղաքականությունը, մինչ կառավարությունը հրաժարվում է նրան ընդգրկել պաշտոնական կազմի մեջ։