ՌԴ Պետդումայում առաջարկել են արգելել աշխատանքային միգրանտներին իրենց ընտանիքներին բերել Ռուսաստան

Ռուսաստան գումար վաստակելու համար եկող միգրանտ աշխատողներին պետք է արգելվի իրենց ընտանիքներին երկիր բերել։ Այս առաջարկը ներկայացրել է «Արդար Ռուսաստան՝ ճշմարտության համար» կուսակցության ղեկավար Սերգեյ Միրոնովը, հաղորդում է ՏԱՍՍ-ը կիրակի՝ օգոստոսի 17-ին։

Միրոնովը նշել է, որ Ռուսաստան ժամանող օտարերկրյա քաղաքացիներից շատերը մտադիր չեն աշխատել, «բայց այստեղ են բերում իրենց ընտանիքներին»։ Նրա կարծիքով, օտարերկրյա մասնագետները պետք է գան Ռուսաստան՝ առանց իրենց ընտանիքների և աշխատանքն ավարտելուց հետո հեռանան։

«Նույնիսկ եթե ինչ-որ տեղ իսկապես անհրաժեշտ է աշխատուժ՝ միգրանտների տեսքով, չնայած Դաշնության շատ սուբյեկտներ հրաժարվել են նրանցից, և երկինքը դեռ չի փլուզվել, բայց եթե ինչ-որ տեղ նրանց կարիքը կա, խնդրում եմ՝ առանց որևէ ընտանիքի, եկեք, աշխատեք, գումար ստացեք և հեռացեք», - նշել է քաղաքական գործիչը։