Պուտինը Ալյասկայում ելույթի ժամանակ փոփոխել է իր ճառը

Ռուսաստանի նախագահ Վլադիմիր Պուտինը ԱՄՆ նախագահ Դոնալդ Թրամփի հետ բանակցությունների արդյունքներով իր ելույթի ժամանակ մի կողմ է դրել իր ելույթի մի քանի թերթ, հայտնում է РИА Новости-ն։

«Россия 1»-ի լրագրող Պավել Զարուբինի «Москва. Кремль. Путин» հաղորդման ընթացքում ցուցադրած տեսանյութում երևում է, թե ինչպես է ՌԴ նախագահը ելույթի ընթացքում փոխել իր ճառը՝ մի կողմ դնելով չորս թերթ։

Դա արվել է նրա այն խոսքերից հետո, թե Մոսկվան ակնկալում է, որ Կիևում և եվրոպական մայրաքաղաքներում սադրանքների կամ հետնաբեմյան ինտրիգների միջոցով նախանշվող առաջընթացը տապալելու փորձեր չեն ձեռնարկի։

Ռուսաստանի և ԱՄՆ-ի նախագահներ Վլադիմիր Պուտինի և Դոնալդ Թրամփի հանդիպումը կայացել է օգոստոսի 15-ին Անքորիջում գտնվող Էլմենդորֆ-Ռիչարդսոն ռազմաբազայում։ Առաջնորդների բանակցությունները նեղ կազմով՝ «երեքը երեքի դիմաց» ձևաչափով, տևել են երկու ժամ 45 րոպե։ Դրանից հետո կայացել է Ռուսաստանի և ԱՄՆ-ի նախագահների համատեղ մամուլի ասուլիսը։

news.am