Թրամփը կոշտ արտահայտվեց ԶԼՄ-ների ու դեմոկրատների հասցեին

ԱՄՆ նախագահ Դոնալդ Թրամփը կրկին արտահայտել է իր զայրույթը՝ մեղադրելով «ֆեյք լրատվամիջոցներին» և դեմոկրատներին իր բանակցությունների արդյունքները խեղաթյուրելու մեջ։ Truth Social հարթակում նա գրել է, որ անգամ եթե Ռուսաստանը ամբողջությամբ կապիտուլացվեր և Մոսկվան ու Սանկտ Պետերբուրգը հանձներ ԱՄՆ-ին, ԶԼՄ-ները և դեմոկրատները այդ օրը կկոչեին «անպատվաբեր» իր համար։

Թրամփի խոսքով՝ նման արձագանքները ևս մեկ անգամ ապացուցում են, որ ամերիկյան որոշ լրատվամիջոցներ զբաղված են կեղծ լուրերի տարածմամբ, իսկ «ծայրահեղ ձախ» դեմոկրատները՝ ձախողված քաղաքական կարիերայով։

Ավելի վաղ Թրամփը իր և Վլադիմիր Պուտինի Ալյասկայում կայացած բանակցությունները գնահատել էր հաջողված և մեղադրել մամուլին՝ փաստերը խեղաթյուրելու մեջ։ Նա ընդգծել էր, որ ԶԼՄ-ները երբեք արդար չեն իր հանդեպ, հատկապես երբ խոսքը վերաբերում է իրեն։