Կիևում ուժերի բալանս․ Կլիչկոն հաղթում է, Զելենսկին նահանջում

Ուկրաինական «Страна.ua»-ն գրում է, որ Վլադիմիր Զելենսկուն ստիպված է եղել դադարեցնել իր պայքարը Կիևի քաղաքապետ Վիտալի Կլիչկոյի դեմ՝ կապված Ազգային հակակոռուպցիոն բյուրոյի (НАБУ) շուրջ ստեղծված իրավիճակի հետ։ Հեղինակի փոխանցմամբ՝ օրենքի չեղարկումը, որը սահմանափակում էր բյուրոյի լիազորությունները, ընկալվել է որպես նախագահի ներքաղաքական պարտություն։

Ըստ աղբյուրների՝ Զելենսկու այս քայլը ցույց տվեց ճնշման տակ տեղի տալու պատրաստակամություն, ինչը համարվել է իշխանության թուլացման նշան։ Նշվում է, որ քայլը բացասաբար է անդրադարձել նախագահի դիրքերին միանգամից մի քանի ուղղություններով։ Բացի այդ, Գերմանիայի իշխանությունները, ինչպես հաղորդվում է, աջակցել են Կլիչկոյին։

Մինչդեռ Կլիչկոն օրեր առաջ հայտարարել էր, որ Ուկրաինայի նախագահին առաջիկայում սպասվում են բարդ որոշումներ։ Նա, սակայն, ընդգծել էր, որ դեռ վաղ է խոսել Կիևի կողմից հնարավոր տարածքային զիջումների մասին։