YouTube-ը ցանկանում է ստանալ «Օսկար»-ի ցուցադրման իրավունքը

YouTube-ը քննարկում է ամենամյա «Օսկար» մրցանակաբաշխության հեռարձակման իրավունքը ձեռք բերելու հնարավորությունը, հաղորդում է Bloomberg-ը։

Ներկայիս իրավունքների տիրոջ՝ Disney-ին պատկանող ABC Television Group-ի ժամկետը լրանալու է 2028 թվականին։ ABC-ն «Օսկար» մրցանակաբաշխությունը հեռարձակում է գրեթե 50 տարի։

YouTube-ի հետաքրքրությունը անակնկալ էր ոլորտի համար, քանի որ հեռարձակման մյուս հավակնորդները սովորաբար ունեն իրենց սեփական հեռուստաալիքներն ու հոսքային հարթակները։ Սակայն, ըստ Bloomberg-ի, YouTube-ի ղեկավարությունը վաղուց է հետաքրքրված նման մեծածավալ միջոցառումներով։ Որպես օրինակ՝ նրանք նշում են 2023 թվականի NFL Sunday Ticket խաղերի հեռարձակման իրավունքը գնելու գործարքը։

Bloomberg-ի կարծիքով, Ակադեմիայի համար այս համագործակցությունը կարող է շահավետ քայլ լինել, քանի որ այն կօգնի ուշադրություն գրավել արարողության վրա, որի ժողովրդականությունը վերջին տարիներին աստիճանաբար նվազել է։

Հիշեցնենք, որ 98-րդ «Օսկար» մրցանակաբաշխությունը տեղի կունենա 2026 թվականի մարտի 15-ին։

Թարգմանությունը՝  Lurer.com-ի