Թրամփը Պուտինին ավելի ջերմ է դիմավորել, քան Զելենսկուն. WP

Ուկրաինայի նախագահ Վոլոդիմիր Զելենսկու ընդունելությունը Միացյալ Նահանգներում «այնքան ջերմ չէր», որքան օգոստոսի 15-ին Անքորիջում Ռուսաստանի նախագահ Վլադիմիր Պուտինի հետ հանդիպումը, հաղորդում է The Washington Post-ը։

«Ընդունելությունն այնքան ջերմ չէր, որքան կարմիր գորգը և B-2 ռմբակոծիչների թռիչքը, որոնք դիմավորեցին Պուտինին ուրբաթ օրը, երբ նա ժամանեց Անքորիջ՝ Թրամփի հետ հանդիպելու», - հաղորդում է թերթը։

Օգոստոսի 18-ին ԱՄՆ նախագահ Դոնալդ Թրամփը և Ուկրաինայի նախագահ Զելենսկին հանդիպեցին Սպիտակ տանը։ Նրանցից բացի՝ բանակցություններին մասնակցեցին մի շարք եվրոպացի առաջնորդներ, ինչպես նաև Եվրահանձնաժողովի նախագահ Ուրսուլա ֆոն դեր Լեյենը և ՆԱՏՕ-ի գլխավոր քարտուղար Մարկ Ռյուտեն։

Թրամփը բանակցություններ է վարել Ռուսաստանի նախագահ Վլադիմիր Պուտինի հետ՝ Սպիտակ տան ղեկավարի և Վոլոդիմիր Զելենսկու ու եվրոպացի առաջնորդների հետ հանդիպումից հետո։ Ռուսաստանի նախագահի օգնական Յուրի Ուշակովը հայտարարել է, որ Պուտինը և Թրամփը կողմ են Ռուսաստանի և Ուկրաինայի պատվիրակությունների միջև ուղիղ բանակցությունների անցկացմանը։