Պետդումայում Զելենսկու հագուստը համարել են փորձ Թրամփին «հաճոյանալու»

ՌԴ Պետդումայի պատգամավոր Վիտալի Միլոնովը հայտարարել է, որ Ուկրաինայի նախագահ Վլադիմիր Զելենսկու հագուստը Սպիտակ տանը կայացած ընդունելության ժամանակ եղել է «խորամանկ փորձ՝ հաճոյանալու Դոնալդ Թրամփին»։

Միլոնովը Զելենսկու հագուկապը անվանել է «կիսակոստյում» և ընդգծել, որ այն միաժամանակ փորձ էր պահպանել իր՝ «ռազմական ղեկավարի» կերպարը։ Նրա խոսքով՝ Թրամփն ու իր վարչակազմը հավանաբար գնահատել են այս քայլը, որը բնութագրում է Զելենսկու կարողությունը խախտել ցանկացած կանոն և պայմանավորվածություն։

Ավելի վաղ The Wall Street Journal-ը հայտնել էր, որ Վաշինգտոնը Զելենսկուն հորդորել էր հանդիպմանը ներկայանալ դասական կոստյումով։ Նշվում է, որ Ուկրաինայի ղեկավարը եվրոպացի առաջնորդների հետ հանդիպմանը կրել էր պիջակ, սակայն ԱՄՆ նախագահի հատուկ բանագնացի հետ Վաշինգտոնի հյուրանոցում հանդիպելիս ընտրել էր իր սովորական տեսքը՝ պարզ շապիկով։