Budweiser-ի արտադրող Anheuser-Busch-ը 15 միլիոն դոլար կներդնի ԱՄՆ գործարանում

Ամերիկյան գարեջրի արտադրող Anheuser-Busch InBev-ը հայտարարել է, որ 15 միլիոն դոլարի ներդրում է կատարում իր Սենթ Լուիսում գտնվող գործարանում։ Այս քայլը համընկնում է ԱՄՆ նախագահ Դոնալդ Տրամփի քաղաքականության հետ, որը միտված է խթանել ներքին արտադրությունը։

Ներդրումն Anheuser-Busch-ի ավելի լայն ծրագրի մասն է․ ընկերությունը դեռ մայիսին հայտարարել էր ԱՄՆ-ում ընդհանուր առմամբ 300 միլիոն դոլարի ներդրումային փաթեթի մասին՝ նոր աշխատատեղեր ստեղծելու և արդյունաբերական կարողությունները պահպանելու համար։

Ըստ ընկերության, գումարի մի մասը կուղղվի մատակարարման շղթայի բարելավմանը՝ տեղական հումքը Սենթ Լուիս տեղափոխելու և Budweiser ու Bud Light բրենդները սպառողներին արագ հասցնելու համար։ Միևնույն ժամանակ, հուլիսին ընկերության վաճառքները նվազել էին Բրազիլիայում և Չինաստանում ցածր պահանջարկի պատճառով, ինչը լրացուցիչ մտահոգություն էր առաջացրել ներդրողների մոտ։