Հավատում ենք Հայաստանի ինքնիշխանության պահպանմանը․ Իրանի նախագահ

Իրանի նախագահ Մասուդ Փեզեշքիանը գրառում է արել վարչապետ Փաշինյանի հետ Հայաստանում հանդիպումից հետո։ Նա X-ում գրել է․

«ՀՀ վարչապետի հետ հանդիպման ժամանակ ես ընդգծեցի, որ Իրանի Իսլամական Հանրապետության կառավարությունը հավատում է Հայաստանի ինքնիշխանության և տարածքային ամբողջականության պահպանմանը և երկու երկրների միջև ջերմ հարաբերությունների շարունակմանը, և մեր մտահոգությունները մեր ընդհանուր սահմանների մոտ երրորդ կողմի ուժերի ներկայության վերաբերյալ պետք է հաշվի առնվեն, լիովին քննարկվեն»։