Թրամփի հրահանգով՝ ԱՄՆ-Մեքսիկա սահմանային պատը սև կներկեն, որպեսզի այն արևից տաքանա
ԱՄՆ
ԱՄՆ նախագահ Դոնալդ Թրամփը հրամայել է Մեքսիկայի հետ սահմանին գտնվող պատը ներկել սև, որպեսզի այն տաքանա արևից՝ կանխելով անօրինական ներգաղթյալների կողմից դրա վրայով բարձրանալը: Այս մասին լրագրողներին հայտնել է ներքին անվտանգության նախարար Քրիստի Նոեմը, հաղորդում է Axios-ը:
Նոեմը նշել է, որ պատը բավականին բարձր է և խորը թաղված է գետնի մեջ, որպեսզի անհնար լինի դրա տակ թունել փորել:
Նախարարը նշել է, որ Թրամփի հրամանով՝ ամբողջ հարավային պատը կներկվի սև, որպեսզի մարդիկ անօրինական կերպով չմտնեն ամերիկյան տարածք:
Ըստ նրա՝ Կոնգրեսի կողմից վերջերս ընդունված բյուջետային օրենքները նախատեսում են ԱՄՆ-Մեքսիկա սահմանին շինարարական աշխատանքների լայնածավալ ֆինանսավորում: Ամեն օր պաշտպանիչ կառույցների շարքը ընդլայնվում է գրեթե մեկ կիլոմետրով:
Նոեմը նաև հայտարարել է ջրային սահմանային արգելապատնեշների տեղադրման մասին:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
