Զովունիում «Mercedes»-ը հետիոտնի անցման վայրում վրաերթի է ենթարկել հարազատ քույրերին
Հասարակություն
Երեկ՝ օգոստոսի 20-ին, վրաերթ է տեղի ունեցել Կոտայքի մարզում: Ժամը 20:00-ի սահմաններում Կոտայքի մարզի բնակիչ 24-ամյա Արսեն Մ.-ն իր վարած «Mercedes» մակնիշի ավտոմեքենայով Զովունի գյուղի 1-ին փողոցում՝ «Դայմոնդ» սուպերմարկետի դիմաց՝ հետիոտնային անցման վրա, վրաերթի է ենթարկել Կոտայքի մարզի բնակիչ 23-ամյա Սահականույշ Մ.-ին և 16-ամյա Մարի Մ.-ին:
Ինչպես դեպքի վայրից հայտնում է ֆոտոլրագրող Գագիկ Շամշյանը, վրաերթի հետևանքով վերջիններս, որոնց առաջինը օգնության են հասել «Դայմոնդ» սուպերմարկետի աշխատակիցները, քաղաքացիներն ու ըստ դեպքի վայրում հավաքված քաղաքացիների՝ օպերատիվորեն ժամանած շտապօգնության բժիշկների հերթապա խումբը, տեղափոխվել են «Սուրբ Աստվածամայր» բժշկական կենտրոն:
Պարեկների և համայնքային ոստիկանների այսքան շատ ժամանման պատճառն այն է, քանի որ դեպքի վայրում վրաերթի ենթարկվածների ծանոթներն ու բարեկամները փորձում էին հաշվեհարդար տեսնել վարորդի հետ, բարեբախտաբար պարեկների ու ոստիկանների շնորհիվ կանխվեց վրեժխնդրությունը, վարորդին տեղափոխեցին Պարեկային ծառայության ավտոմեքենան, ինչից հետո համայնքային ոստիկանի ավտոմեքենայով նրան տեղափոխեցին ոստիկանության Նաիրիի բաժին:
Վարորդը տեղում ենթարկվել է սթափության փորձաքննության, եղել է սթափ:
Քննիչի հանձնարարականով՝ ավտոմեքենան տեղափոխվել է ոստիկանության Նաիրիի բաժնի պահպանվող հատուկ տարածք:
Դեպքի վայրում հավաքվածները նշում էին, որ վրաերթի ենթարկվածները հարազատ քույրեր են:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
