Արցախի Ազգային ժողով գոյություն չունի, ՀՀ–ն երբեք այնքան անկախ չի եղել, ինչքան հիմա․ Գևորգ Պապոյան
Քաղաքական
Մենք անկախ պետություն ենք, և, վստահաբար, ՀՀ–ն այնքան անկախ չի եղել իր պատմության ընթացքում, ինչքան հիմա, հատկապես օգոստոսի 8–ի փաստաթղթից հետո։ Մենք բացատրել ենք մեր գործողությունները մեր բարեկամ երկրներին, այդ թվում՝ Իրանին։ Այս մասին կառավարության դիմաց լրագրողների հետ զրույցում ասաց ՀՀ էկոնոմիկայի նախարար Գևորգ Պապոյանը։
«Մեր բարեկամ Իրանը այդ ճանապարհի և Հայաստանի ապաշրջափակման առաջին շահառուներից է լինելու»,– նշեց նա։
Անդրադառնալով դիտարկմանը, որ Արցախի ԱԺ-ն տեղահանված ժողովրդի անունից դիմել է ԵԱՀԿ մասնակից պետություններին, նախարար Պապոյանը հայտարարեց՝ «Արցախի Ազգային ժողով գոյություն չունի»։
«Այստեղ այլևս պատերազմ չի լինելու, այլևս ՀՀ-ն կոնֆլիկտների կողմ չի լինելու, խաղաղություն է լինելու, ճանապարհների ապաշրջափակում է լինելու, տնտեսական զարգացում է լինելու, արտագաղթ չի լինելու»,– ասաց նա՝ վստահություն հայտելով, որ ոչ ոքի չի հաջողվելու Հայաստանը ներքաշել տարբեր տեսակի պատերազմների մեջ:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
