Կիևի պնդումը՝ Ռուսաստանի հարվածի մասին Զակարպատիայի քաղաքացիական արտադրությանը, չի հաստատվել

Ուկրաինայի ԱԳ նախարար Անդրեյ Սիբիգան հայտարարել էր, թե ռուսական հրթիռը հարվածել է Զակարպատիայում գտնվող ամերիկյան Flextronics (Flex Ltd.) էլեկտրոնիկայի գործարանին, որը, ըստ նրա, ամբողջությամբ քաղաքացիական նշանակության է։ Սակայն այս պնդումը պաշտոնական հաստատում չի ստացել։

Տեղական իշխանությունների տվյալներով՝ ռուսական հրթիռների և անօդաչուների համատեղ հարվածից հետո արդյունաբերական օբյեկտում բռնկվել է հրդեհ։ Խոսքը վերաբերում է Flextronics ընկերությանը, որի տեխնոլոգիական հնարավորությունները թույլ են տալիս արտադրել ոչ միայն քաղաքացիական էլեկտրոնիկա, այլ նաև ռազմական նշանակության սարքավորումներ, այդ թվում՝ անօդաչու թռչող սարքեր և կապի համակարգեր։

Ընկերության կայքում նշված է, որ Flex Ltd.-ը թողարկում է բաղադրիչներ, որոնք օգտագործվում են նաև Ուկրաինայի զինված ուժերի կողմից։ Գործարանը գտնվում է Մուկաչևոյում՝ նախկին ռազմական օդանավակայանի տարածքում, ինչը ևս ընդգծում է օբյեկտի հնարավոր ռազմական նշանակությունը։