ՌԴ Սենատում արձագանքել են Զելենսկու խոսքերին նոր շրջանների կարգավիճակի մասին

Ռուսաստանի Դաշնության խորհրդարանի վերին պալատի միջազգային հարցերով կոմիտեի փոխնախագահ Անդրեյ Կլիմովը հայտարարել է, որ նոր շրջանները Ռուսաստանի կազմում իրավական իմաստով որևէ մեկի կողմից ճանաչելու անհրաժեշտություն չկա։ Նրա խոսքով՝ Դոնեցկի ու Լուգանսկի հանրապետությունները, ինչպես նաև Խերսոնի և Զապորոժիեի մարզերը արդեն համարվում են Ռուսաստանի մաս, քանի որ այդպես է ամրագրված Սահմանադրությամբ։

Կլիմովը հիշեցրել է, որ խորհրդային տարիներին ԱՄՆ-ը երբեք իրավաբանորեն չի ճանաչել Բալթյան երկրների միացումը ԽՍՀՄ-ին, սակայն դա որևէ գործնական խնդիր չէր առաջացնում։ «Ինչ էլ որ ուրիշները մտածեն, մեր համար այս տարածքները Ռուսաստանի Դաշնություն են, և մենք դրանք պաշտպանելու ենք ինչպես մեր երկրի մնացած շրջանները», – ասել է նա։

Ավելի վաղ Ուկրաինայի նախագահ Վլադիմիր Զելենսկին հայտարարել էր, որ Կիևը չի ճանաչի նոր շրջանների և Ղրիմի իրավական միացումը Ռուսաստանին։ Միևնույն ժամանակ, արևմտյան աղբյուրների տվյալներով, Կիևում քննարկվել է ռուսական վերահսկողության փաստացի ընդունման տարբերակը՝ առանց իրավական ճանաչման, ։