Պետդումայում արձագանքել են Կիևի պատրաստակամությանը փաստացի կորցրած տարածքների հարցում

ՌԴ Պետդումայի պաշտպանության կոմիտեի անդամ Անդրեյ Կոլեսնիկը հայտարարել է, որ Ռուսաստանի համար անընդունելի է կոնֆլիկտի «սառեցման» տարբերակը, քանի որ այն ցանկացած պահի կարող է «հալվել»։ Այսպես նա մեկնաբանել է Ուկրաինայի նախագահի գրասենյակի ղեկավար Միխայիլ Պոդոլյակի հայտարարությունը, ըստ որի՝ Կիևը համաձայն է փաստացի կորցրած մի շարք տարածքների հետ՝ ժամանակավորապես սառեցնելով պատերազմը։

Կոլեսնիկի խոսքով՝ ռազմական և քաղաքական առումով նման տարբերակը ձեռնտու չէ Ռուսաստանին։ Նա հավելել է, որ «հաղթողը պետք է թելադրի պայմանները», ընդգծելով, որ ռուսական զորքերը շարունակում են առաջխաղացումը և այդ պատճառով հենց Մոսկվան է որոշելու ապագա պայմանավորվածությունների ձևաչափը։

Ավելի վաղ Պոդոլյակը նշել էր, որ Ուկրաինան կարող է ընդունել ճակատի գծով հակամարտության սառեցումը և տարածքների փաստացի կորուստը։ Միևնույն ժամանակ, նրա խոսքով, Կիևը մտադիր է հետագայում դիվանագիտական ու տնտեսական լծակներով փորձել վերադարձնել այդ տարածքները։