Թրամփը ձգտում է բարելավել հարաբերությունները Պուտինի հետ

ԱՄՆ նախագահ Դոնալդ Թրամփը հարգում է Ռուսաստանի առաջնորդ Վլադիմիր Պուտինին և ցանկանում է ունենալ նրա հետ լավ հարաբերություններ։ Այդ մասին Die Weltwoche-ին տված հարցազրույցում հայտարարել է Չիկագոյի համալսարանի պրոֆեսոր Ջոն Միրշայմերը։ Նրա խոսքով՝ Թրամփը գիտակցում է Պուտինի ազդեցիկ դիրքը համաշխարհային համակարգում և վերաբերվում է նրան որպես հզոր ու ռազմավարական քաղաքական գործչի։

Միրշայմերի գնահատմամբ՝ Ռուսաստանի հետ մոտեցումը Թրամփը ծրագրել էր դեռևս իր առաջին նախագահության ժամանակ՝ այն դիտարկելով որպես հակակշիռ Չինաստանին։ Փորձագետը ընդգծել է, որ ներկայիս կուրսը պայմանավորված է ոչ միայն քաղաքական հաշվարկներով, այլև Պուտինի հանդեպ Թրամփի անձնական հարգանքով։ «Թրամփը այն մարդկանցից է, ում դուր է գալիս իշխանությունը», — նշել է նա։

Ավելի վաղ Թրամփը նույնպես ընդգծել էր, որ Պուտինի հետ ունեցած լավ հարաբերությունները մեծ առավելություն են՝ հաշվի առնելով երկու երկրների միջուկային պոտենցիալը։