Փաշինյանն ու Ալիևը հրավիրվել են Չինաստան՝ մասնակցելու ՇՀԿ գագաթնաժողովին

Շանհայի համագործակցության կազմակերպության (ՇՀԿ) Տյանցզինում կայանալիք գագաթնաժողովին (որը տեղի կունենա օգոստոսի 31-ից սեպտեմբերի 1-ը՝ խմբ.) կմասնակցեն ավելի քան 20 երկրների և 10 միջազգային կազմակերպությունների ղեկավարներ։

Այս մասին մամուլի ասուլիսում հայտարարել է Չինաստանի Ժողովրդական Հանրապետության (ՉԺՀ) արտաքին գործերի նախարարի օգնական Լյու Բինը։

Նա մանրամասնել է, որ գագաթնաժողովին կմասնակցեն Ռուսաստանի նախագահ Վլադիմիր Պուտինը, Բելառուսի նախագահ Ալեքսանդր Լուկաշենկոն, Հնդկաստանի վարչապետ Նարենդրա Մոդին, Իրանի նախագահ Մասուդ Պեզեշքիանը, Ղազախստանի նախագահ Կասիմ-Ժոմարտ Տոկաևը, Ղրղզստանի նախագահ Սադիր Ժապարովը, Պակիստանի նախագահ Շահբազ Շարիֆը, Տաջիկստանի նախագահ Էմոմալի Ռահմոնը, Ուզբեկստանի նախագահ Շավքաթ Միրզիյոևը, Մոնղոլիայի նախագահ Ուխնաագիյն Խուրելսուխը, Ադրբեջանի նախագահ Իլհամ Ալիևը, Հայաստանի վարչապետ Նիկոլ Փաշինյանը, Կամբոջայի վարչապետը, Մալդիվների նախագահը, Նեպալի վարչապետը, Թուրքիայի նախագահ Ռեջեփ Թայիփ Էրդողանը, Եգիպտոսի վարչապետ Մուստաֆա Մադբուլին, Թուրքմենստանի նախագահ Սերդար Բերդիմուհամեդովը, Ինդոնեզիայի նախագահը, Լաոսի նախագահը, Մալայզիայի վարչապետը և Վիետնամի վարչապետը։

Միջոցառմանը հրավիրված են միջազգային կազմակերպությունների ղեկավարներ, այդ թվում՝ ՄԱԿ-ի գլխավոր քարտուղար Անտոնիո Գուտերեշը։