Սլավյանսկն ու Կրամատորսկը ենթարկվել են ուժեղ հարվածի

Դոնեցկի ժողովրդական հանրապետությունում գտնվող Սլավյանսկի և Կրամատորսկի ուղղությամբ արձակվել են ուժեղ հարվածներ։ Ինչպես գրում է «Политика Страны» Telegram-ալիքը, քաղաքներում շարունակում են հնչել ինտենսիվ ռմբակոծությունների ձայները։

Քանի պայթյուն է գրանցվել և որ տարածքներն են վնասվել՝ այս պահին չի հաղորդվում։ Տեղեկություններ չկան նաև ենթակառուցվածքային օբյեկտների վնասների վերաբերյալ։

Ավելի վաղ հաղորդվել էր, որ Ռուսաստանի Զինված ուժերը «Իսկանդեր-Մ» օպերատիվ-մարտավարական հրթիռային համալիրից հարվածել են Ուկրաինայի զինված ուժերի ժամանակավոր տեղակայման կետին Սլավյանսկի շրջանում։