«Սրբազան պայքարի» գործով անցնող Աղվան Արշակյանը կշարունակի մնալ տնային կալանքի մեջ

Մեղադրող դատախազը պահանջեց «Սրբազան շարժման» աջակից Աղվան Արշակյանի տնային կալանքը փոխել ու կիրառել կալանավորումը որպես խափանման միջոց։

Աղվան Արշակյանի մոտ 2 տարի առաջ հայտնաբերվել է ծանր հիվանդություն, ինչից հետո ենթարկվել է բարդ վիրահատության, անցել քիմիոթերապիայի կուրսեր։

Աղվան Արշակյանի փաստաբանը հանգամանալից ներկայացրեց իր պաշտպանյալի կողմից առողջական ծայրահեղ վիճակում գտնվելու փաստը, նշեց, որ անհնար է նրան կալանավայր վերադարձնելու միջնորդության հարցի քննությունը։

Նա իր խոսքում պահանջեց մինչ վճիռ կայացնելը հաշվի առնել Արշակյանի առողջական ծանր խնդիրները, ընդգծեց, որ Արշակյանը պարբերաբար գտնվում է բժշկի հսկողության տակ։

Դատավոր Կարեն Ֆարխոյանը մերժեց հանրային մեղադրողի ներկայացրած միջնորդությունը՝ Աղվան Արշակյանի նկատմամբ կրկին խափանման միջոց կիրառել կալանքը։