Պենտագոնի հետախուզության ղեկավարին ազատեցին․ Հեգսեթի հերթական «զտումը»
ԱՄՆ
ԱՄՆ պաշտպանության նախարար Փիթ Հեգսեթը պաշտոնից ազատել է Պենտագոնի Հետախուզության գործակալության (DIA) ղեկավար, գեներալ-լեյտենանտ Ջեֆրի Կրուզին, ինչպես նաև ռազմածովային ուժերի պահեստազորի պետին և Ծովային հատուկ գործողությունների հրամանատարին։ Այս մասին տեղեկացրել են երեք ամերիկացի պաշտոնյաներ՝ Reuters-ին։ Ազատման պատճառները չեն հաղորդվում։
ԱՄՆ սենատոր Մարկ Ուորները քայլը որակել է որպես վտանգավոր նախադեպ՝ ընդգծելով, որ Թրամփի վարչակազմը հետախուզությունը դիտարկում է ոչ թե որպես անվտանգության ապահովման գործիք, այլ որպես «հավատարմության թեստ»։ Մինչ այս տարվա ընթացքում վարչակազմը արդեն ազատել էր մի շարք բարձրաստիճան զինվորականների, այդ թվում՝ ԱԹՍ-ի հրամանատար գեներալ Թիմոթի Հաուին և Հրամանատարների շտաբի նախագահ, գեներալ Սի Քյու Բրաունին։
Լրատվամիջոցների գնահատմամբ՝ Կրուզի ազատումը կարող է կապ ունենալ DIA-ի արտահոսած զեկույցի հետ, ըստ որի՝ հունիսի 22-ին Իրանի միջուկային օբյեկտների դեմ իրականացված հարձակումները Թեհրանի ծրագիրը հետ են գցել միայն մի քանի ամսով, ինչը հակասում էր Թրամփի հայտարարությանը, թե թիրախները «վերացվել են»։ Սպիտակ տունը այդ զեկույցը անվանել էր «լիովին սխալ»։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
