Labubu մոլուցք․ ռուսները խաղալիքների վրա ծախսել են ավելի քան 2 միլիարդ ռուբլի

Ռուսաստանում 2025 թվականի առաջին յոթ ամիսներին միայն Wildberries հարթակում Labubu խաղալիքների վաճառքն անցել է 2 միլիարդ ռուբլին։ Ըստ ՌՎԲ-ի տվյալների, աճը հատկապես պայթյունավտանգ է դարձել հունիսից հետո․ ընդհանուր առմամբ վաճառվել է ավելի քան 2,5 միլիոն «զուբաստիկ»։

Labubu-ն ստեղծել է հոնկոնգցի դիզայներ և գրող Լուն Ցզյաշենը։ Խաղալիքի անհասկանալի, բայց գրավիչ կերպարն ունի նապաստակի ականջներ, ուռած աչքեր և սուր ատամներով ժպիտ։ Չինաստանում դրա ժողովրդականությունն այնքան մեծացավ, որ իշխանությունները նույնիսկ արգելեցին բանկերին այդ խաղալիքներով գրավել հաճախորդներին։ Արտադրող ընկերություն Pop Mart-ի մաքուր շահույթը տարվա առաջին կիսամյակում հնգապատկվել է։

Labubu-ի հաջողությունը Ռուսաստանում հասել է այն մակարդակի, որ Սենատի նախագահ Վալենտինա Մատվիենկոն հուլիսին կոչ արեց երկրի ստեղծագործականներին արտադրել սեփական նորարարական ապրանքներ։ «Ռուսական մատրյոշկաներով այլևս չես զարմացնի աշխարհին»,– ընդգծեց նա՝ շեշտելով, որ պետությունը պետք է աջակցի տաղանդավոր մարդկանց՝ իրենց գաղափարները միջազգային շուկա հասցնելու համար։