Եվրոպայում քննարկել են Իրանի «արքայի» թեկնածությունը․ Խամենեի

Իրանի գերագույն առաջնորդ Ալի Խամենեին հայտնել է՝ պատերազմի առաջին օրը եվրոպական մայրաքաղաքներից մեկում «իրանական ժողովրդի թշնամիները խորհրդակցություն են անցկացրել՝ նպատակ ունենալով որոշել՝ ով կփոխարինի «Իսլամական Հանրապետությանը», հաղորդում է Pars Today-ը:

«Հիմարների այդ կույտի մեջ, որոնք հավաքվել էին Իրանում Իսլամական Հանրապետությանը փոխարինող փնտրելու, կար նաև մեկ իրանցի», - նշել է նա: «ԱՄՆ-ի դրածոների խումբը հավաքվել է եվրոպական մայրաքաղաքներից մեկում և սկսել է քննարկել Իսլամական Հանրապետության փոխարինման հարցը։ Նրանք քննարկում էին. Իսլամական Հանրապետությունից հետո որ կառավարությունն է կառավարելու Իրանը, ում նշանակել թագավոր:

Նույնիսկ կոնկրետ մարդուն «շահի գահ» են որոշել։ Նրանք կարծում էին, որ այդ գրոհով կհաջողվի անջրպետ սերմանել համակարգի և ժողովրդի միջև: Իրանի ժողովուրդը, տոկունություն ցուցաբերելով զինված ուժերի, կառավարության և համակարգի հետ միասին, ջախջախիչ հարված է հասցրել այդ ամենին», - հավելել Է Խամենեին։