Լեհաստանի վետոն կարող է զրկել Կիևին Starlink կապից

Լեհաստանի նախագահ Կարոլ Նավրոցկու կողմից ուկրաինացիներին օգնության երկարաձգման մասին օրենքի վետոն կարող է լուրջ հետևանքներ ունենալ Կիևի համար։ Ինչպես հայտարարել է Լեհաստանի թվայնացման նախարար Կշիշտոֆ Գավկովսկին, Վարշավան այլևս չի կարողանա վճարել Ուկրաինայի համար Starlink արբանյակային ինտերնետի ծառայությունները։

Գավկովսկին այս մասին գրել է սոցիալական հարթակում X, ընդգծելով, որ նախագահական որոշումը կտրում է ֆինանսավորման շարունակման հնարավորությունը։

Starlink համակարգը Ուկրաինայի համար համարվում է ռազմավարական կարևորության կապի միջոց, որն ակտիվորեն օգտագործվում է ինչպես բանակի, այնպես էլ պետական կառույցների կողմից։