Էստոնիայում հայտնաբերել են ուկրաինական անօդաչուի բեկորներ

Էստոնիայի ներքին անվտանգության ծառայության ղեկավար Մարգո Պալլոսոնի խոսքով՝ երկրի հարավարևելյան հատվածում հայտնաբերվել են ուկրաինական ԲՊԼԱ-ի բեկորներ։ Ինչպես հաղորդում է ERR-ը, նախնական տվյալներով անօդաչուն կարող էր շեղվել ուղուց՝ ռուսական GPS խափանումների և ռադիոէլեկտրոնային պայքարի հետևանքով։

Պալլոսոնը նշել է, որ դեպքի վայրում հստակ տեսանելի էր պայթյունից առաջացած խոռոչը։ Նրա խոսքով՝ որևէ հիմք չկա ենթադրելու, որ անօդաչուն կարող էր պատկանել Ռուսաստանին։

Ավելի վաղ Էստոնիայի կառավարությունը դժվարացել էր լրացուցիչ բյուջեի հաստատման պատճառով գտնել միջոցներ՝ թշնամական անօդաչուների դեմ մոնիթորինգային համակարգ ստեղծելու համար։ Միևնույն ժամանակ, Տալլինը շարունակում է քննարկել Ռուսաստանի հետ սահմանին «դրոնների պատի» կառուցման գաղափարը՝ չնայած ԵՄ-ից ֆինանսավորում ստանալու անհաջող փորձերին։