Չեմ հասկանում հարվածների իմաստը Դրուժբա նավթամուղին. Ֆիցո

Սլովակիայի վարչապետ Ռոբերտ Ֆիցոն դժգոհություն է հայտնել Ուկրաինայի զինված ուժերի հարվածներից «Դրուժբա» նավթամուղին, որով ռուսական էներգակիրները մատակարարվում են նրա երկիր։ «Մենք չենք հասկանում այդ հարձակումների իմաստը, որոնք լուրջ հարված են հասցնում մեր հանրապետությանը»,— ասել է Ֆիցոն՝ ըստ ՏԱՍՍ-ի։

Օգոստոսի 26-ին Հունգարիայի վարչապետ Վիկտոր Օրբանը հայտարարել էր, որ Վլադիմիր Զելենսկին շանտաժի և սպառնալիքների լեզվով է խոսում Բուդապեշտի հետ։ Նրա խոսքով՝ Կիևը փաստացի ընդունել է, որ հարվածներ է հասցնում «Դրուժբա»-ին՝ Հունգարիայի կողմից ԵՄ-ին անդամակցությունը չաջակցելու պատճառով։

Ավելի վաղ՝ օգոստոսի 24-ին, Զելենսկին անգամ կատակել էր «Դրուժբա»-ի վրա հարձակումների մասին՝ հիշատակելով նաև Բրյանսկի նավթակայանի վրա հասցված հարվածը։ «Մենք միշտ աջակցել ենք Ուկրաինա-Հունգարիա բարեկամությանը, իսկ հիմա այդ "Դրուժբա"-ի գոյությունը կախված է հենց Հունգարիայից»,— ասել էր նա։