Խաբեբաները նոր ձևով են թիրախավորում վաճառողներին

Ռուսաստանում հայտնվել է խաբեության նոր սխեմա․ հանցագործները ներկայանում են որպես մասնագետներ և առաջարկում խանութների վաճառողներին «վերահսկել վճարային տերմինալները»։ Այս մասին հայտնում է ՌԴ ՆԳՆ-ի տեղեկատվական տեխնոլոգիաների չարաշահման դեմ պայքարի վարչության Telegram-յան ալիքը։

Մասնագետի անվան տակ հանդես եկող խաբեբաները մոտենում են վաճառողներին, առաջարկում «ստուգում» անցկացնել և այդ ընթացքում փորձում են գումար գողանալ կամ փոխանցումներ իրականացնել։ ՆԳՆ-ն զգուշացնում է, որ նման դեպքերի թիվն աճում է։

Իրավապահ մարմինները հորդորում են խանութների աշխատակիցներին լինել առավել զգոն, իսկ տերմինալների ցանկացած ստուգում իրականացնել միայն բանկի կամ պաշտոնական ծառայությունների ներկայացուցիչների ներկայությամբ։