Նոր այբբենարաններ ունենք, նոր չափորոշիչ է լինելու առաջին դասարանցիների համար. Անդրեասյան

Մենք երեք տարիների ընթացքում արդեն իսկ տպագրել ենք ավելի քան 220 դասագիրք։ Պետք է նշեմ, որ այս տարվա արդյուքներով մեր դասագրքերի շուրջ 45 տոկոսն այլընտանք է ունեցել, ինչը նշանակում է, որ նույն առարկայի նույն դասարանի դասագրքից ունեցել ենք երկու տարբեր գիրք, և ուսուցիչներն ունեցել են հնարավորություն՝ ընտրելու իրենց համար ավելի հարմար դասագիրքը։ Այս մասին մամուլի ասուլիսի ժամանակ ասել է ԿԳՄՍ նախարար Ժաննա Անդրեասյանը։

Նա նշել է, որ այս տարի առաջին դասարանում նոր չափորոշիչով են սկսելու աշխատել։

«Ունենք նոր այբբենարաններ, և նույնիսկ նման ուսուցման մեթոդներում կարող ենք տեսնել, որ նորություններ են առաջրկված։ Շատ կարևոր եմ համարում, որ ժամանակային իմաստով դրանք քննարկված են ուսուցիչների հետ, որովհետև դասագրքերն էլեկտրոնային տարբերակով հասանելի են դարձել ուսուցիչներին դեռևս մայիսին–հունիսին»,– ասել է Անդրեասյանը։

Նախարարի խոսքով՝ այս ամառվա ընթացքում դասագրքերի հեղինակները քննարկումներ են ունեցել ուսուցիչների հետ։