«Ինձ պետք է, որ նկարներս խոսեն մարդկանց հետ»․ տեղի ունեցավ նկարչուհի Արմի Հարությունյանի անհատական ցուցահանդեսը (տեսանյութ, լուսանկարներ)

«Փյունիկ» զարգացման կենտրոնի ցուցասրահում օրերս տեղի ունեցավ նկարչուհի Արմի Հարությունյանի հերթական ցուցահանդեսը։ Խորագիրն այս անգամ հենց հեղինակի անունով էր, որտեղ Արմին ներկայացրել էր վերջին յոթից-ութ տարիների աշխատանքները։

ԼՈՒՐԵՐ․com-ի հետ զրույցում Արմի Հարությունյանը նշեց, որ այս անգամ իր նկարների ցուցադրությունը  ամբողջի միաձուլումն էր․

«Այս անգամվա խորագիրը հենց իմ անունով է՝ Արմի, որովհետև էստեղ ամբողջ կյանքիս տարիների հավաքածուն է, նկարներս պատմում են իմ հերոսների մասին, որոնք կանայք են՝ իրենց անհատական հույզերով ու ապրումներով»,-նշեց նա։

Արմի Հարությունյանը իր ձեռքբերումներից է համարում Դուբայում տեղի ունացած ցուցադրությունը․ հասարակությունը ընկալել ու ջերմ է ընդունել նկարչուհու արվեստը․

«Ինչու եմ առանձնացնում հենց Դուբայը, որովհետև, երբ գնում ենք արդեն Եվրոպա կամ Ամերիկա, այնտեղ հասարակությունը բաց է, ազատ է, ամեն բան կարող ես տեսնել ցուցասրահներում, իսկ Դուբայում կան օրենքներ, որոշակի սահմանափակումներ, սակայն, ի ուրախություն ինձ, իմ գործերը այնտեղ տեղ են գտել։

Ես կարծում եմ, որ կինը, մարդը էմոցիա է ստանում դիմացինից, իմ նկարների պարագայում կանայք էմոցիա են ստանում իրենց կողակից տղամարդկանցից։ Ինձ պետք է, որ իմ նկարները խոսեն մարդկանց հետ, որովհետև դրանցից յուրաքանչյուրը իր գույնը, իր երանգն ու միկիկան ունի, անգամ եթե նկարը միագույն է՝ դա չի խանգարում, որ միագույնությամբ հանդերձ դիմացինին էմոցիա փոխանցի, ուրախացնի»,-ասաց Արմի Հարությունյանը։

Նշենք, որ մինչ օրս նկարչուհին ունեցել է անհատական 17 ցուցադրություն։

Նշենք նաև, որ աշխարհահռչակ արտ քննադատ Բեռնհարդ Բելերը անդրադարձել է նկարչուհու աշխատանքներին, խոսել նրա արվեստի մասին և իր հիացմունքն արտահայտել աշխատանքների վերաբերյալ․ 

«Արմիի գեղարվեստական ջանքերն արտացոլում են նրա՝ որպես նկարչուհու յուրահատուկ հայացքը, իր ստեղծագործական ինքնաարտահայտման շնորհիվ Արմին կարողանում է ոգեշնչել հանդիսատեսին։ Նրա նկարները գրավում են իրենց համարձակությամբ, զգայականությամբ։ Նա կարողանում է վրձնի հարվածով փոխանցել խորը հույզեր․ դրանք ասես յուրահատուկ ուղերձ են հանդիսատեսին, որպեսզի դիտողը նկատի սեփական ներաշխարհը»,-իր խոսքում ասել է Բեռնհարդ Բելերը։

Մանրամասները՝ տեսանյութում։

Այս թեմայով Գերմանահայոց Կեդրոնական Խորհուրդը խստորեն դատապարտում է Սարդարապատի հուշահամալիրի մոտ տեղի ունեցած անթույլատրելի ու ամոթալի ոստիկանական գործողությունները Ապօրինի հրամանով մարդկանց ծեծի ու ջարդի ենթարկելը ձեր ճակատագրի համար շատ թանկ է արժենալու, քանի դեռ ուշ չէ` դուրս եկեք այդ ստորաքարշ պարտականությունների դաշտից․ Տիգրան Աբրահամյանը՝ ոստիկաններին Ինչպես պետք է լինի Փաշինյանի հեռացման իրական ճանապարհը․ քաղաքագետ Ապօրինի հրամանով մարդկանց ծեծի ու ջարդի ենթարկելը ձեր ճակատագրի համար շատ թանկ է արժանանալու․ Տիգրան Աբրահամյան Ծառուկյանի հանձնարարությամբ աղետի գոտի են հասցվել առաջին անհրաժեշտության իրեր Մեղմ է ասված, որ քաղաքացիների նկատմամբ բիրտ ուժ է կիրառվել, իսկ ձերբակալություններն ակնհայտորեն անհիմն են․ Փաստաբանը՝ ԱԳՆ շենքի մոտ տեղի ունեցածի մասին Մենք՝ մեծահասակներս, պետք է պատասխանատու և հանձնառու լինենք ու դաստիարակենք սերունդ. Դավիթ Համբարձումյան Տեղի է ունեցել օպերատիվ շտաբի նիստը․ Գնել Սանոսյանի նոր հանձնարարականները Աշոտ Հարությունյանի ձերբակալման որոշումը ոչ իրավաչափ է և դուրս քրեադատավարական օրենսդրության շրջանակներից. «Նոր պրոյեկտ. տնտեսական ալիք» Սրբազանը կարևոր «մեսիջ» ունի, որ այս հարցը պետք է լուծել հիմա, սա չպետք է թողնենք սերունդների վրա (տեսանյութ)