Հետխաղյա 11 մետրանոցներով Ռուսաստանի հավաքականը պայքարից դուրս թողեց Իսպանիային (լուսանկարներ, տեսանյութ)

Մոսկվայի «Լուժնիկի» մարզադաշտում աշխարհի առաջնության 1/8 եզրափակչի շրջանակներում Իսպանիայի ազգային ընտրանին ուժերը չափեց Ռուսաստանի հավաքականի հետ:

Հանդիպման հիմնական ժամանակն ավարտվեց 1:1 հաշվով:

12-րդ րոպեին Սերգեյ Իգնաշևիչը դարձավ ինքնագոլի հեղինակ, իսկ 41-րդ րոպեին Արտյոմ Ձյուբան անվրեպ իրացրեց նշանակված 11 մետրանոցը:

Արդյունքում խաղը տեղափոխվեց լրացուցիչ ժամանակ: Այստեղ էլ թիմերին չհաջողվեց գոլի հեղինակ դառնալ:
Մունդիալի քառորդ եզրափակչի մասնակիցը հայտնի դարձավ հետխաղյա 11 մետրանոցների արդյունքում:

Հարվածներն ավելի արդյունավետ կատարեցին Ռուսաստանի հավաքականի ֆուտբոլիստները`  4:3 և իսպանացիները լքեցին պայքարը:

Լուսանկարները` Daily Mail-ից