Փարիզը մտադիր է 3 մլրդ եվրոյով ավելացնել պաշտպանական բյուջեն

Ֆրանսիայի վարչապետ Ֆրանսուա Բայրուն անհրաժեշտ է համարում լրացուցիչ 3 մլրդ եվրո հատկացնել պաշտպանության համար, երեքշաբթի հայտնել Է BFM TV հեռուստաալիքը: Բայրուի խոսքով՝ Ֆրանսիան, ըստ ամենայնի, պետք է լրացուցիչ 3 մլրդ եվրո հատկացնի 2026 թվականի պաշտպանական բյուջեի համար՝ Ֆրանսիայի եւ ԵՄ-ի »Անվտանգության եւ պաշտպանության հարցերում անկախություն» ապահովելու համար:

Նա հավելել է, որ ԵՄ-ն պետք է ի վիճակի լինի ինքնուրույն ապահովել իր անվտանգությունը անդամ պետությունների համատեղ ջանքերի հաշվին: Մարտի 5-ին ազգին ուղղված հեռուստաուղերձում նախագահ Էմանուել մակարոնը հայտնել է պաշտպանության ոլորտում լրացուցիչ ներդրումների իր ծրագրերի մասին:

«Մենք պետք է ամրապնդենք մեր պաշտպանությունը։ Այս առումով մենք հավատարիմ ենք մնում ՆԱՏՕ-ին, բայց պետք է ուժեղացնենք մեր անկախությունը»,- հայտարարել Է Մակրոնը։