Պուտինը խոսել է Արցախում ռուս խաղաղապահների մանդատի երկարաձգման մասին

Ռուսական կողմն աջակցում է Հայաստանի և Ադրբեջանի միջև իրավիճակի կարգավորմանն ուղղված ցանկացած ջանքերի։ Այս մասին երկուշաբթի օրը լրագրողներին հայտարարել է ՌԴ նախագահ Վլադիմիր Պուտինը։

«Մեր կողմից, մենք միշտ ողջունում ենք կարգավորմանն ուղղված ցանկացած ջանքեր։ Հետևաբար, թե ինչպես է դա [հոկտեմբերի 7-ին Պրահայում Հայաստանի և Ադրբեջանի ղեկավարների հանդիպումը] փոխկապակցված, դա միանգամայն բնական կերպով է փոխկապակցված»,-ասել է նախագահը` պատասխանելով հարցին, թե ինչպես է Պրահայում ԵՄ կազմակերպած հանդիպումը փոխկապակցված Սոչիի եռակողմ գագաթնաժողովի հետ:- Եվ մենք աջակցում ենք այն ամենին, ինչ ուղղված է առճակատման նվազեցմանը և կարգավորմանը: Հայաստանի և Ադրբեջանի միջև ապագա խաղաղության պայմանագիրը կլինի երկու կողմերի փոխզիջման արդյունքը»,- ասել է Պուտինը:

Չհամաձայնեցված հարցերի շուրջ, ըստ Ռուսաստանի Դաշնության, Հայաստանի և Ադրբեջանի հայտարարության, աշխատանքն իրականացվելու է փակ ձևաչափով, կարիք չկա կենտրոնանալ դրանց վրա:

Գտնվել են Հայաստանի և Ադրբեջանի միջև սահմանի սահմանազատման և սահմանագծման նախնական նախադրյալները, մանրամասնել է ՌԴ նախագահը։

Ռուսաստանի Դաշնությունը պատրաստ է տրամադրել Խորհրդային Միության գլխավոր շտաբի ամենաճշգրիտ քարտեզները՝ լուծելու Հայաստանի և Ադրբեջանի միջև սահմանի սահմանազատման հարցը, ասել է նա։

«Ինչ վերաբերում է խաղաղապահներին, ապա դա ասված է  2020 թվականի նոյեմբերի մեր համատեղ հայտարարության մեջ, երբ հակամարտությունն ավարտվեց: Այստեղ ավելացնելու ոչինչ չկա», - ասել է նա։ «Մենք խոսել ենք այս մասին (Լեռնային Ղարաբաղում ռուս խաղաղապահների մանդատի երկարաձգման մասին,- նշում է ՏԱՍՍ-ը), սակայն դա պահանջում է մեր համատեղ համաձայնությունը»,- հավելել է Պուտինը։

Նրա խոսքով՝ ռուս խաղաղապահների մանդատի երկարաձգման որոշումը կախված է այլ հարցերից՝ խաղաղության պայմանագրի հնարավոր կնքումից և Հայաստանի ու Ադրբեջանի միջև սահմանի սահմանազատումից ու սահմանագծումից։ «Եթե այս հարցերը լուծվեն, ապա խաղաղապահների հարցն այլ կերպ կկանգնի: Եթե ​​որոշ չափով չլուծվի կամ [լուծվի], ապա դրանից է կախված մեր խաղաղապահ կոնտինգենտի ճակատագիրը»,- պարզաբանել է ՌԴ նախագահը` հավելելով, որ Հայաստանն ու Ադրբեջանը «երախտագիտության խոսքեր են հայտնել Ռուսաստանին» Լեռնային Ղարաբաղի տարածքում կատարած աշխատանքի համար։

Այս թեմայով Ինչպես է պատրաստվում նշել ՌԴ նախագահն իր 72-ամյակը Վլադիմիր Պուտինը ասել է, որ Ալիևը համամիտ է. Շարմազանով (տեսանյութ) Պուտինը ՀՀ նախկին դեսպան Վաղարշակ Հարությունյանին Բարեկամության շքանշանով է պարգևատրել Նա ավ գիտի՝ ով առաջինը միջուկային զենք օգտագործի, ինչ կլինի նրա հետ. Լեհաստանի նախագահը անիծել է Պուտինին Ռուսաստանում անօդաչու թռչող սարքերի արտադրությունը նախատեսվում է ավելացնել գրեթե 10 անգամ. Պուտին