Ադրբեջանում վերականգնել են TikTok-ի հասանելիությունը
ՀասարակությունԱդրբեջանը վերականգնել է TikTok սոցիալական ցանցի հասանելիությունը, որը սահմանափակվել էր սեպտեմբերի կեսերից։ Այս մասին հայտնում են հանրապետության թվային զարգացման և տրանսպորտի նախարարությանն առընթեր էլեկտրոնային անվտանգության ծառայությունից։
«Նոյեմբերի 5-ին ժամը 18:00-ից Ադրբեջանում ներդրված TikTok սոցիալական ցանցի գործունեության ժամանակավոր սահմանափակումը հանվել է»,- ասվում է հոդվածում։
Ծառայությունը երկրի բնակիչներին կոչ է արել սոցցանցերում հրապարակումներ տեղադրելիս պահպանել ադրբեջանական օրենսդրության պահանջները, ինչպես նաև պահպանել սոցցանցերի վարչակազմերի կողմից սահմանված կանոններն ու պայմանները։
Ադրբեջանում TikTok-ի հասանելիությունն արգելափակվել է 2022 թվականի սեպտեմբերի 14-ին՝ Հայաստանի նկատմամբ ռազմական ագրեսիայի ժամանակ՝ «ապատեղեկատվության և ռազմական գաղտնիքների բացահայտման դեմ պայքարելու նպատակով»։