Շատ վտանգավոր է, երբ ղեկավար պաշտոն զբաղեցնողները չեն գիտակցում պատասխանատվության լրջությունը․ Ռուբեն Վարդանյան

Արցախի նախկին պետնախարար Ռուբեն Վարդանյանը ֆեյսբուքյան իր էջում գրել է․ «Ես հավատում եմ, որ նույնիսկ ամենածանր ճգնաժամերը հաղթահարելի են, եթե կա դրված հստակ նպատակ, եթե կա այդ նպատակին հասնելու միասնական կամք ու համառություն և կան առաջնորդներ, որոնք ամեն գնով ձգտելու են այդ նպատակի իրականացմանը:

Մեր նպատակն ավելի քան պարզ է՝ Արցախի հայկական, անկախ, անվտանգ ու արժանապատիվ ապագան: Արցախում գտնվելով՝ ես տեսնում եմ այդ նպատակի շուրջ ժողովրդի միասնականությունը: 90 օրից ավելի շարունակվող ծանր շրջափակումն ի զորու չէ կոտրել արցախահայության ոգին ու կամքը: Ես բազմիցս եմ ասել, որ այսպիսի ժողովրդի հետ ցանկացած մարտահրավեր հաղթահարելի է, ցանկացած բարդ իրավիճակից կգտնվի լուծման ճանապարհ:

Այսպիսի իրավիճակում չափազանց կարևոր է առաջնորդների դերը։

Իրական առաջնորդների, ոչ թե պարզապես ղեկավար պաշտոն զբաղեցնողների: Պետք են մարդիկ, որոնք ոչ միայն հայտարարում են նպատակին հասնելու սկզբունքների ու արժեքների, պարտադիր պահպանման ենթակա կարմիր գծերի մասին, այլև սեփական օրինակով, տրված խոստմանն ու սկզբունքներին հավատարիմ լինելով դառնում են դրանց երաշխավորը: Այդ առաջնորդները ժողովրդին տանում են համախմբման ճանապարհով, նրանք անհանդուրժող են հավաքական նպատակին հասնելու կանոններն ու սկզբունքները խախտողների նկատմամբ, քանի որ պահը ճակատագրական է:

Եվ հակառակը, շատ վտանգավոր է, երբ ճգնաժամային իրավիճակում ղեկավար պաշտոն զբաղեցնողները չեն գիտակցում իրենց ստանձնած պատասխանատվության ողջ լրջությունը:

Այս ամենը ավելի քան կարևոր է, քանի որ սա կամքի ու համառության, վճռականության ու հավատի պայքար է:

P.S. Ի դեպ, «Մեր սարերը» կենտրոնում հաջորդ շաբաթվանից առաջնորդության թեմայով դասընթացներ կմեկնարկեն:

Այս թեմայով Մի հատ դրանց վասմիկանեչնիկ դեմքերին նայեք. Ռուբեն Մխիթարյան Ռուբեն Ռուբինյանը գերմանացի պատգամավորներին ներկայացրել է անվտանգային իրավիճակը Հարավային Կովկասում Ռուբեն Մելքոնյանը թուրքագետների գրած գիրքը նվիրեց Բագրատ Սրբազանին (տեսանյութ) Ադրբեջանում Ռուբեն Վարդանյանի ապօրինի կալանքը 5 ամսով երկարաձգվեց Բաքվի դատարանը քննում է Ռուբեն Վարդանյանի ապօրինի կալանքի երկարաձգման հարցը Պատկերացրեք, թե ի՞նչ են խոսում ոստիկաններն իրար մեջ իրենց պետության ղեկավարի մասին․ Ռուբեն Մխիթարյան Ինձ ոչ մեկ չի կարող ցուցում տալ, որ դասադուլ արգելեմ, ուսանողներն ազատ են. Ռուբեն Մելքոնյան Ինքնաբացարկի մեջ տրամաբանություն կար. Ռուբեն Մելիքյան (տեսանյութ) Մենք մեր ընկերներով Տիգրանաշենում ենք․ ՀՅԴ ԳՄ անդամ Գերասիմ Վարդանյան (տեսանյութ) Ռուբեն Վարդանյանը Բաքվի բանտից ուղերձ է փոխանցել «Ավրորա»-ի մասնակիցներին (տեսանյութ)