«Ես Միացյալ Նահանգների հիանալի նախագահ կլինեի». Առնոլդ Շվարցենեգեր

Լեգենդար դերասան Առնոլդ Շվարցենեգերը կարծում է, որ ինքն ԱՄՆ-ի հիանալի նախագահ կլիներ, սակայն երկրի օրենքները դա թույլ չեն տալիս։ Այս մասին նա հայտարարել է BBC-ին տված հարցազրույցում։

BBC-ն պարզաբանում է, որ ԱՄՆ Սահմանադրությունը սահմանում է, որ այդ պաշտոնը կարող է զբաղեցնել միայն ծննդյան օրվանից այդ երկրի քաղաքացի հանդիսացող անձը։ Ինքը՝ Շվարցենեգերը, Ավստրիայից է, որտեղ ապրել է մինչև 19 տարեկանը։

Լրագրողը հետաքրքրվել է, թե դա նյարդայնացնու՞մ է Շվարցենեգերին։

«Ես զգում եմ, որ հիանալի նախագահ կլինեի: Բայց միևնույն ժամանակ, ես զգում եմ, որ այն ամենի համար, ինչին հասել եմ, պարտական ​​եմ Ամերիկային», - ասել է նա:

Այսպիսով, նա շնորհակալություն է հայտնել Ամերիկային և ամերիկացի ժողովրդին։

«Ամերիկան ​​ինձ շատ հնարավորություններ տվեց, իսկ ամերիկացի ժողովուրդը շատ հյուրընկալ էր, նրանք ինձ պարզապես գրկաբաց ընդունեցին: Ոչ ոք չկանգնեց իմ հաջողության ճանապարհին»,- ասել է Շվարցենեգերը:

Ընդո որում, ԱՄՆ Կալիֆորնիա նահանգի նախկին նահանգապետը չի կորցնում մի օր երկրի ամենաբարձր պաշտոնը ստանձնելու հույսը։

«Մենք ունենք Սահմանադրություն: Իհարկե, դա փոխելու համար մեզ անհրաժեշտ է ներգաղթային բարեփոխումներ: Բայց մի փոքր եսասիրություն կլիներ, եթե ես վերցնեի ու փորձեի փոխել օրենքը», - ասել է նա:

Այս թեմայով Շվարցենեգերը խոստացել է վիրահատությունից հետո վերադառնալ նկարահանումներին Առնոլդ Շվարցենեգերը սրտի վիրահատության է ենթարկվել Շվարցենեգերն աճուրդում 270 հազարով վաճառել է ժամացույցը, որի պատճառով բերման էր ենթարկվել Շվարցենեգերն ազատ է արձակվել․ նա պետք է 35 հազար եվրո տուգանք վճարի Առնոլդ Շվարցենեգերին ձերբակալել են Մյունխենի օդանավակայանում Շվարցենեգերը վերամիավորվել է Դե Վիտոյի հետ «Երկվորյակների» պրեմիերայից 35 տարի անց Առնոլդ Շվարցենեգերի որդին նշանադրվել է Առնոլդ Շվարցենեգերի նախկին կինը պատմել է՝ ինչպես է հաղթահարել դերասանից բաժանումը Առնոլդ Շվարցենեգերը Լոս Անջելեսում վրաերթի է ենթարկել հեծանվորդուհուն Առնոլդ Շվարցենեգերը նկարահանվել է ուկրաինական Kalush Orchestra խմբի տեսահոլովակում