Հուսանք՝ ամեն բան կգնա դրական զարգացման. Հովհաննիսյանը՝ մինչ COP29-ը խաղաղության պայմանագրի կնքման հավանականության մասին
Վերլուծական
Ինչքանով է իրատեսական մինչև COP29-ը խաղաղության պայմանագրի կնքումը, և արդյոք միջազգային բավարար ճնշում կա՞ այս ուղղությամբ, այդ թվում՝ Ադրբեջանում պահվող անձանց վերադարձի մասով:
Խորհրդարանական ճեպազրույցների ժամանակ «Քաղաքացիական պայմանագիր» խմբակցության քարտուղար Արթուր Հովհաննիսյանը պատասխանելով հարցին՝ ասաց լավ կլիներ, որ կարողանայինք ժամկետների մասին խոսել, բայց, ցավոք, հիմա չենք կարող:
«Միջազգային գործընկերների աջակցությունը կա: Թե որքանով է մեծ ճնշումն Ադրբեջանի վրա, կարող ենք դատել տեղի ունեցող իրադարձություններից, հայտարարություններից՝ նաև տարբեր երկրների պաշտոնատար անձանց:
Այո՛, Ադրբեջանում կազմակերպվելիք միջոցառումը բավականին կարևոր է, ներկայացուցչական կազմ է լինելու Բաքվում: Մենք հույս ունենք, որ մեր միջազգային գործընկերները կաջակցեն մեզ խաղաղության օրակարգն առաջ տանելու համար:
Ե՞րբ կստորագրվի, ի՞նչ ժամկետներում, ի՞նչ տեսքով, շատ ենք խոսել սրա մասին. գործընթացներ են տեղի ունենում: Հուսանք՝ ամեն բան կգնա դրական զարգացում»,- ասաց նա:
Հարցին՝ Հայաստանից մասնակցություն լինելո՞ւ է COP29-ին, Արթուր Հովհաննիսյաննա սաց դեռ պատեհ պահ չէ այդ մասին խոսելու համար:
Ամենադիտված 
Ալիևը վերահաստատել է՝ Թուրքիայի հետ միասին չեն պատրաստվում հանդուրժել ՀՀ-ի գոյությունը որպես պետություն. թյուրքագետ
